expect the unexpected

Bihira lang ang magagandang tao sa mundo bihira rin ang macho kaya halos hindi magkamayaw ang lahat kapag nakakakita ng mga ito. Kahit sino pinangarap na maging angat sa iba pero ako? hindi. kuntento na ako na hindi ako sobrang pangit sa harap ng maraming tao yung tipong simple lang pero masarap.. tignan..:)

Merong iba talagang gagastos ng mamahaling gamot para lamang pumuti ang iba hindi na kinakaya ng iniinom nilang gamot ang melanin na pumupuksa ng kanilang fair skin kaya ang ginagawa ay pinapaturok na mismo sa katawan nila ang gamot. Lumaki akong hindi maputi at hindi mo rin masasabing negra kasi kapag pumunta ako sa dilim makikita mo pa naman ako lalo na lapag nakangiti, hinangad ko rin maging maputi kasi in demand sa Pilipinas eh pati nga nose lift pinagtripan ko rin kaso iniisip ko may dahilan ang lahat kung bakit ginawa ng Dios na ganito ako kaya nakuntento ako sa pagiging morena at pango.

Ang sakit isipin na ang ibang tao ay yumayaman na dahil sa kanilang hitsura katulad nalang ng mga artista kahit walang talent basta may dating pwede na, sa bagay natuturuan naman ang tao pero iba pa rin naman ang may talent na (ehem) pero simpleng tao lang diba? Meron din namang pinagkakakitaan kung ano ang pangit sa kanila, Ang mga komidyante ginagamit nila ang kanilang kahinaan para makapagpatawa ng mga tao, ang kanilang mukha ang nagsisilbing panlaban nila sa masasamang elemento at mga taong nanunukso sa kanila, nakakabilib talaga sila kaya saludo ako..:)


Ano kaya kung bago ipanganak ang tao mamimili muna sila kung ano ang pagmumukha nila for example nasa tyan ka ng nanay mo tapos tinanong nito "anak ano gusto mo maging mukha mo? mamili ka kamukha ni Brad Pitt o ni Babalu? syempre pipili kaba naman ng pangit na alam mo namang ikasusumpa mo iyon balang araw? Sa tingin ko naman walang kaso iyon parehas naman sikat si Brad Pitt at Babalu at kumita ng malaking halaga sa panahon nila kaya kung sino man maging kamukha mo sa dalawa swerte ka parin kasi my mukha ka.


May mga taong humihiling na sana hindi sila ugatin o kaya sana maputi ang paa nila kaya minsan hindi sila magkamayaw kapag nakakakita ng sale na foot spa. Samantalang ang iba walang paa pero kuntento na sa kinakain nila sa araw-araw. May naikwento ang kaibigan ko, my umakyat daw sa jip na sinakyan niya at nagkwento na nakasaad sa bible akala ng kaibigan ko magbibigay ito ng sobre pero nagkamali siya, may mga pilit na nagbibigay ng pera dun sa nagkwento pero hindi niya tinanggap nakakapagtaka diba? bihira nalang ang ganoon baka iyon na yung taong hinihintay natin hindi lang natin pinansin masyado.


Maraming mga bagay sa mundo na talagang kakaiba, Hindi mo alam kung ano ang tatagal o lilipas din agad, May mga bagay na nasa iyo na pero parang inaayawan mo pa dahil gusto mong makahigit sa kanila, meron namang iba na kuntento na basta sama-sama sila sa bawat araw na ginawa ng Diyos at meron namang iba na gagawin ang lahat makapaglingkod lang sakanya. Kakaiba ang mundo hindi mo alam kung ano ang mangyayari sa iyo bukas hindi mo alam kung tataas ka o ibaba ka ba, basta Expect the Unexpected.

HAPPINESS

“Happiness is everything around you.”

When I was a child, I do not understand my parents because they never forgive me in what I am wishing for just as if I want to ride in a bike because all of my friends have a bike and they were enjoying and so I must have to. In many years later, I grew with no talent in biking and then one night I have just realize how blessed I am to have a caring and responsible parents , there is a point that I didn’t learned how to ride in a bike but it is all because they don’t want to get me hurt and feel bad.

I was born with a simple life, waking up in the morning with a cup of coffee and a “Hot Pandesal” together with my Parents, Sisters and my little brother, reading a tabloid newspaper and just to see comics or jokes inside of it, watching television or listening nice music and having craze with my favorite “chicharon”. That is how my life goes every day, so simple and blessed because in that moment I am not alone because my family is there happy and healthy with me.

Simple life is where I am contented, not anybody cared in what you are doing, in the way you comb your hair, and in dressing yourself and on how you deal with other people. There is no strings attached but simplicity is limited you do not know that you are growing and time by time, you might be popular than ever and so that is the start of my so-called nightmare.

When I am in high School I started to improve my talent as a Dancer, At first I joined in Theatrical plays and critics were get me into the grave by saying that I have no talent in dancing and I am not capable with it. The steps were so difficult, the choreographer was so angry with me, and I do not know why maybe because dancing is not my talent. I am so sad at that time and I think dancing is not for me but this is what I love to do. Every night I cannot sleep because of the disappointment that I had. I have just realize that practicing is more important than thinking that I am not good in dancing and so, every morning I just practice together with my sister. In our house there is no choreography, you can do what you think and being crazy is unlimited, after that, I learned to dance with the perfect timing and it is all because I enjoy it and my sister. She said that she is my avid fan and all her support is into me. As time goes by, I pursue my passion in dancing and so I became a Dance Instructor in my college days and I became a choreographer in elementary and high school students.

Every people needs happiness, others go outside just to take in a Bar, Dance with somebody that they do not know, Drink some Heavy Brandy’s, smoke with an imported cigarettes and playing in a five star casino and just to fulfill their selves. However, what is happiness? Is it the car that your father’s gift in your graduation or a playing basketball with Yao Ming?

For me, happiness is when you wake up in the morning and your mother is there to give you a warm bath, your father is there to say that “ANAK, LATE KA NA”(My child you are late), and your brothers and sisters is there to laugh with you. Actually, Happiness is not enough to defined them and so they are my “GOOD BLESSINGS” that I never expecting for and how lucky I am to have them.

la kwenta

"You can get anything but not everything."

Minsan nakakainis ang mundo, ginawa mo na nga ang lahat kulang parin para sa kanila halos tinawag mo na lahat ng mga super sayan para lang magawa ng perpekto at maayos ang isang bagay wala pa ding dating?

Kaya nga siguro nabuo ang salitang "Nobody is perfect" kasi maraming insecure sa lahat ng ginagawa mo kasi kung hindi ka naman threaten para sa kanila hindi sila magbibigay ng komento na laban sa iyo minsan masaya din ako kasi kung mas maraming naiinggit ibig sabihin epektib ang kagandahan mo diba?

Pero minsan hindi na nakakatuwa dahil kahit anong sabihin mo na hindi ka naapektuhan sa mga sinasabi nila talagang maalala mo parin iyon lalo na sa gabi at nag-iisa ka. Masarap isipin na kapag marami ang nang-iinsulto sa iyo ibig sabihin mas maraming tumitingin sa ginagawa mo na sa totoo lang ay hindi naman talaga nakakatuwa kabadtrip kung baga.

Kitang-kita naman sa blog ko na puro galit lang ang nabasa niyo wala ng bait na natitira sa akin mababaliw na ata ako sa kakaisip kung paano ko sasabihin sa kanila na "tama na!!ok?" pero ang hirap din magsalita kung iyong mismong mga taong nagsalita sa iyo ay hindi aaminin lahat ng kawalanghiyaan na sinasabi nila.

Galit. Emosyon na talagang nakakatakot dahil maari maging bunga ito ng karahasan minsan natatago din ito pero oras na mapuno ang taong nagdadala ng galit ay talagang sumasabog ito lalo na kapag nagkaroon ito ng lakas ng loob, bidang bida dito ang mga lasing kasi pagkatapos nila laklakin ang buong ilog pasig ay talagang nakikipag-away sila, ang mga taong chismosa naman nagtataka kung bakit bigla na lamang nanapak ang isa o mas malala ay nakakapatay pa.

Kung maari pigilan ang galit dahil wala itong naibubungang maganda bukod sa pangit ay talagang nakakapangit. Kung ako ay tatanungin mas maganda ng matulog ng walang galit sa puso pero anu magagawa mo high blood ka pangit ka pa di ba?haha. ayan natatawa na ako hindi na ako galit pero sana magka amnesia ako mamaya para makalimutan ang lahat.

PAMAHIIN

"Kapag nakapanaginip ka na natanggal ang ngipin mo ang ibig sabihin nun ay mamalasin ka."

Buhay na buhay sa kultura ng mga pilipino ang salitang "PAMAHIIN" kaya tuloy matatakot ka sa bawat gagawin mo katulad nalang ng "HUWAG KANG KAKANTA KAPAG KUMAKAIN KUNG HINDI MAGKAKAROON KA NG ASAWA NA MAS MATANDA SA IYO", kapag singer ka hirap kang mag-adjust sa pamahiin na ito kasi alam naman natin na ang isang singer ay makaalala lang iyan na kanta ay siguradong kakanta at kakanta iyan sabagay kung kakain ka kailangan mo bang kumanta habang kumakain? limang minuto lang naman ang ginugugol natin sa pagkain hindi pa ba natin susulitin?

Isa pa sa mga pamahiin natin ay ang "HUWAG KANG KUMANTA HABANG NAGLULUTO KUNDI MAKAKAPAG-ASAWA KA NG MATANDANG LALAKI/BABAE" bakit ang dami nating pamahiin na kasama ang salitang "kanta" at "matanda" siguro mga sikat na singer ang ating mga ninuno at siguro matatanda rin ang kanilang napngasawa kaya sila ang nagkalat ng sumpa? sabagay katulad nalang kapag kumakain ka hindi mo naman kailangang kumanta habang nagluluto kasi naman mas maraming beses na nakatengga lang tayo kesa sa nagluluto di ba?

Pangatlong pamahiin na talagang sikat sa atin ay ang "BAWAL MAGWALIS KAPAG GABI KUNDI MAMALASIN KA", sabagay oras na ng pahinga kapag gabi tapos magwawalis ka pa di ba, anu yun overtime? kung tutuusin hindi naman talaga maganda magwalis ng gabi kasi baka malay mo mawalis mo ang mga maliliit bagay na importante sa iyo katulad nalang ng alahas. Meron din namang mga tao na sobrang malinis yung tipong madikitan lang ng alikabok ay nagiging dragon na at sasabihin "yakkkk!" grabeh diba.

Sa lahat ng pamahiin ito ang siguradong subok ko na "UMIYAK KA SA GABI UPANG IKAW AY MASAYA KINABUKASAN" naniniwala ako dito na kung ilalabas mo lahat ng galit mo at paghihinagpis sa gabi kinabukasan ay magiging bangag ka o lutang as in wala kang iniisip at wala ka ng iniintindi kasi nailabas mo na nga ang lahat ng sakit sa puso mo.

Sabi nila kapag gabi "KUNIN ANG LAHAT NG DAMIT SA LABAS PARA HINDI ISUMPA NG MGA LAMANG LUPA." sa tingin ko sinabi ito sa mga batang tamad kumuha ng sinampay kapag gabi at saka wala kasing magawa ang mga magulang kaya nalang nalang ang mga bata (kuro-kuro ko lang iyon ha). Sa kabilang banda naniniwala pa din naman ako na ang mundo ay puno ng misteryo.

Minsan nasabihan nadin ako na "BAWAL MAGSUYOD AT MAGSUKLAY SA GABI.". Kapag gabi doon kasi naglalabasan ang mga pogi at magaganda kaya maraming kabataan ang nag-aayos pagdating ng gabi. Isang pagkakataon narin ito para sa mga walang lovelife kasi kapag gabi face is doesn't matter only the smell...:)

Napansin ko lang lahat ng mga pamahiin ay umiikot lang pag sumapit na ang gabi bakit kaya? dahil ba nakagisnan na natin na kapag gabi ay nabubuhay ang mga kaluluwa mula sa kabilang mundo at nagsisimula ng manumpa ang lahat ng engkanto? Kapag sumapit na kasi ang gabi ang nakikita ng tao ay limitado nalang kung wala pa sigurong naimbentong ilaw si Thomas Edison baka sa lahat ng pagkakataon may hawak tayong sulo at posporo para lamang makakita sa gabi. Huwag naman daw matakot sa gabi kasi daw pagkawala lamang iyon ng liwanag at wala tayong dapat ipangamba dahil babalik at babalik din iyon sabi ni pareng Einstein. Kung tutuusin tama siya gabi lamang iyon at ganoon padin naman ang paligid kaso hindi natin kontrol ang utak ng tao na katulad din ng sa hayop hindi natin kontrol.


Anu't-ano pa hindi talaga maganda pakinggan ang mga pamahiin dahil ilan sa mga ito ay kinakahon lang tayo hindi na tayo nakakausad dahil may takot tayo, hindi ko naman sinabi na dapat hindi tayo marunong matakot at laban lang tayo ng laban dapat pag-aralan din natin kung ano ang tama at kung ano ang hula-hula.

mayaman o mahirap?

Kung ikaw ay papapiliin anu gusto mo maging train station o ikaw mismo ang maging tren?

Maraming tao na mas gusto nila na maging madali ang lahat syempre sino ba naman ang gustong mahirapan? pero kung sino naman ang nahihirapan yun naman ang yumayaman kaya nga siguro hindi yumayaman ang mundo dahil mas marami paring nakukuntento nalang kung anong meron sila at hindi na sumusubok pa na paglaruan ang kanilang kapalaran.

Gusto mo ba mag franchise ng isang food chain o guumawa mismo sa sarili mong paraan?

Matalino ang tao kung tutuusin kapag pinagsama-sama natin ang utak natin baka alam na natin ang dulo ng universe kaso mas maraming tao ang nakukuntento nalamang sa pagtitinda ng sopdrinks na ginawa nadin ng ninuno nila kesa magimbento ng inumin na hindi kana mauuhaw sa loob ng isang linggo. Sa bagay kahit gaano ka katalinong tao kung wala ka namang pera, ibebenta at ibebenta mo pa rin ang imbensyon mo kahit nakataya na dito ang pangalan mo.

May mga ilan na sumubok sa kanilang kapalaran at nagwagi katulad nalang ni Steve Jobs, na nagsabing "Do you want to spend the rest of your life selling sugared water or do you want a chance to change the world?" tama nga naman siya kaya nga siya yumaman dahil malakas ang loob niya at makapal din ang mukha niya, oo makapal ang mukha niya, mahirap din kasi maraming mahiyaing tao kaya pati kapalaran nahihiya din sa kanila.

Kung may mga taong hinahangad maging mayaman may mga tao din namang hinahangad maging simpleng tao, yung tipong maglalakad ka sa kalsada tapos walang magiinterview sa iyo ni walang lalapit sa iyo para kidnapin ka malayang malaya ka pumunta kahit saan kahit pa mangulangot ka sa dyip tapos ipahid mo sa upuan, okey na okey lang kasi simple kalang at walang interes sa iyo ang mga tao at higit sa lahat ang pinakabenepisyo nang pagiging simple ay alam na alam mo kung sino ang mga tunay na kaibigan mo. Masarap nga naman maging simple pero mas okey pa din yung gigising ka sa umaga na wala kang iintindihing panggatas sa anak mo o pambayad sa mapuputol nang kuryente parang hawak mo na ang daigdig kapag marami ka ng pera.

Kung ano ang gusto mo yun ang masusunod kung gusto mo maging simple o mayamang tao ikaw pa rin ang magdedesisyon nyan, Ano naman ang magagawa ng kapalaran kung ikaw mismo hindi ka gagawa ng paraan para sa ikabubuti mo kaya kung ninais mong maging mayamang tao wag na wag mo akong kalimutan. :)

Gadgets

Noon ang saya saya kapag nagkaroon ka ng laruang tansan at mayaman kana kapag meron kang isang dangkal ng bagong tecks pero ngayon kapag wala kang cellphone na may kamera ibig sabihin hindi ka "in"..

Natatandaan ko pa na ang laki ng inggit ko sa isa kong kalaro dahil sya meron limang dangkal ng tecks samantalang ako lilimang piraso lang kaya ang ginawa ko nakipaglaban ako at lahat ng ng meron akong tecks ipnusta ko kasama na ang pato at dahil sa swerte ako nanalo ako ngunit sinubok ako ng kalaro ko bi-net nya ako sa ibang salita kapag siya ang nanalo mapupunta lahat sa kanya ang tecks ko pero kapag ako ang nanalo babayaran niya lahat ng hawak kong tecks kasama na doon ang pato ko. Kinabahan ako sa mga sandali na iyon wala na akong magawa gusto ko din dumami ang tecks ko bahala na, pagkabagsak ng tecks sa lupa nakatihaya ang pato ko at ang iba ay nakatalikod ibig sabihin panalo ako! at doon nagsimula na ang pagyaman ko sa tecks hanggang sa mamalato nalang ako dahil sa dami ng tecks ko.

Ngayon sa mga bagong imbentong gadgets hindi mo na mararanasan ang excitement na naranasan mo nung naglalaro ka pa ng tecks, hindi kana mapupuno ng putik sa katawan dahil sa kakagulong para lang makuha ang  isang piraso ng papel, hindi kanarin pagpapawisan at mangingitim dahil sa init ng araw at higit hindi ka na tutuksuhing "negneg" dahil nga ang mga laruan ngayon o gadgets ay pwede namang gawin sa loob ng bahay katulad nalang ng sinasamba nating CELLPHONE, may katex kana may kalaro ka pa, saan ka pa?

Marami ng naglalabasan ngayong laruan na talagang nakakamangha, pangbungad lang nila ang cellphone pero ngayon ang uso na ang TABLET o I-POD na kung saan makokontrol mo na ito sa pamamagitan ng pagpindot lang sa screen nito kaya nga tinawag itong "touch screen" at itong kaylan lang pumanaw ang utak at puso ng kumpanyang "apple" na gumawa ng mga makabagong gadgets, nagdalamhati ang lahat parang katapusan na ng earth sa bagay malaking malaki ang iniambag niya sa ginagamit mong tatskrin ngayon. Sa mga gadget na ito talagang hindi kana lalabas para lang mglaro ng kung anu anong maliliit na bagay. Enjoy na enjoy ka habang yung taba mo bumabalot na sa puso mo, ang maipapayo ko lang exercise naman dyan..:)

Talagang hindi na mapipigilan ang pagbulusok ng mga gadget sa ating henerasyon at dahil dyan hindi narin natin ito maiiwasan kahit saan tayo magpunta lagi natin nakikita kahit nga siguro nakawin ng snatcher ang cellphone mo hindi ka manghihinayang kasi marami nang lumabas na mura ngayong cellphone at agad agad makakabili ka ng bago. Napapadali rin ng gadget ang mga gawain natin imbis na umakyat ka pa ng ilang bundok para lang sabihing "kakain na po ako" isang text lang mas mauuna pa sa iyo ang message mo. walastik.

Nasa tao ang gawa.

Ang tao nabuhay yan nang puro reklamo kung ano ang wala sa kanya iyon at iyon parin ang hinihiling katulad nalang kapag mahirap ka siyempre ano ba ang wala sa iyo, pera, kaya iyon ang hihingiin mo. Naisip ko lang ano ba talaga ang mga bagay na hinihingi sa Kataas-taasan? i-phone? Montero sports? Condominium penthouse? Di ba mas masarap maghintay ng pagkakataon para bagay na ganito kesa ubusin natin ang panahon natin sa kakahingi?

May mga pagkakataon talaga na hindi ibibigay sa iyo ang gusto mo kahit pa buhay mo na ang ipinalit para sa bagay na iyon kung hindi naman talaga para sa iyo ay talagang hindi mo parin iyon makukuha. Magbigay tayo ng halimbawa katulad nalang ng inaasam asam mong pagpunta sa Disneyland ng Hongkong eh ang ang tatay mo ay below minimum ang sahod tapos nanay mo sa bahay lang at sampu kayong magkakapatid tapos pinipilit mo pa ang tatay mo na maglabas ng pera pambili ng ticket papuntang Hongkong, anu gusto mong gawin ng butihing ama mo? magnakaw for the sake of that kind of pleasure? sa bagay masarap pumunta ng Disneyland kaso kapag iisipin mo namang naghihirap ang pamilya mo sa Pilipinas habang sumasakay ka sa Rollercoaster ay hindi mo pa rin maeenjoy ang Gimik.


Kung may mga bagay na hindi binibigay sayo syempre may mga bagay din naman na hindi mo man hilingin ay talagang mapupunta at mapupunta sayo katulad nalang ng pagkakaroon ng ina at ama, napakasimpleng bagay di ba? pero hindi naman kayang lumaki ng isang sanggol mag-isa kung wala naman nag-alaga sa kanya kaya kung ang magulang mo ay lagi kang pinapagalitan dahil sa mga bagay na ikapapahamak mo dapat lang na matuwa ka kasi hindi naman sila masasaktan bandang huli kundi ikaw rin. Hindi ka rin ba nagugulat na ang lahat ng kailngan mo ay nasa sa iyo na katulad nalang ng sikat ng araw na nagtangtanggal ng galis mo, nandyan ang tubig para sa nanunuyot mong katawan at nandyan ang hangin na sa pagkakaalam ko ay minsay nabibili na rin pero habang libre pa lubusin na natin.


May mga bagay din ayaw mo man hingiin pero binibigay sayo katulad nalang ng pagkakaroon ng tigidig sa mukha, kapag teenager ka natural lang ito pero siyempre nasa panahon ng consciousness na rin kaya hindi tayo papayag na mukang pipitasan ng ubas ang mukha natin gagamit at gagamit din tayo ng pampatanggal eh habang tinatago lalong lumalabas nagmumukha nang nataniman ang mukha kaya halos isumpa na natin ang nilalang na nagpatupad ng TIGHYAWAT FOR ALL kahit wala naman siyang kasalanan sa pagtitiris mo ng tighyawat mo. Isa pa sa mga bagay na ayaw mo ng hingiin ay ang pagtira sa bahay ng manugang mo, sa totoo lang hindi ko pa alam ang mga bagay na ito pero kahit hindi niyo man sabihin nararamdaman kong ayaw niyo.:)


Whatever happens life must go on...kung hihiling karin lang siguraduhin mong tutulungan mo rin ang sarili mo dahil naniniwala ako na kung talagang ninais mo ang isang bagay kung para sa iyo o hindi basta ipinapakita mo naman na hindi mo sasayangin ay talagang mapapasaiyo pero syempre may mga bagay din na darating na mas maganda kesa sa inaasahan mo..

Mga tips sa Pagluluto

Lumaki ako sa isang simpleng pamilya, hindi mayaman hindi rin naman masyadong sagad sa hirap kaya bata palang ako may alam na rin ako sa pagluluto pero dahil hindi naman ako ekspert madalas umaasa nalang ako sa "pacham" (comes from the word :patsambang luto which means mixing of ingredients without knowing where the food goes out) at dahil ako rin ang nangunguna sa aming mga kapatid ako lang ang tanging katulong ng aking ina sa pagluluto ng Pacham.

Natatandaan ko ang unang master piece ko ay yung pagluluto ng paboritong pagkain ng mga pinoy ang "KANIN" infairness ang hirap magtantsa ng tubig na sasakto lang sa bigas, minsan kasi kapag hindi tama ang tubig magiging basa kapag nakulangan naman sa tubig nagiging hindi ko na alam pero mas okey kainin yung kanin na mamasa masa kesa yung kulang s tubig kasi kapag mamasa masa sya pwede mo siyang gawing cake nahuhulma kasi kaya mas okey sya kainin.

Syempre kapag natutunan mong magluto ng kanin susunod na dyan ang pgluto ng ulam ang unang ulam na niluto ko ay siyempre isa rin sa pinakagusto kong kainin ito ay ang "ITLOG NA PRITO" Masarap to kahit sa agahan, tanghalian at hapunan. Kapag nagluluto ako dati ng itlog ay talagang parang lalasunin ko ang kakain nito, bata pa ako noon kaya paborito ko ang lasa ng betsin kaya kapag nagpiprito ako nilalagyan ko ito ng betsin at asin. Siguro mga isang buog betsin ang nauubos q s anim na itlog masarap naman siya kaso pati ata nutrients nalasing sa betsin na nailagay ko.

Sunod ay ang walang katapusang "ADOBO"or adorable body of chicken at dahil adobo kapital ang Pilipinas eh kaya natin ang pagluluto nito kung baga ekspert na tayo, kapag nagluluto ako ng adobo syempre hindi mawawala ang manok o baboy, mantika, kawali, bawang, sibuyas, apoy, paminta, toyo, suka, itlog na nilaga, saging na saba, patatas at ang matamis na matamis na asukal, oo asukal, kapag nagluluto kami ng adobo ay feeling namin tosino ito kaya kapag hinaluan namin ng asukal ay talagang nagiging minatamis na manok na siya at hindi na adobo ito ay nagiging "Tocino in Adobo Appearance".


Kung tutuusin madali lang magluto as long as alam mo ang niluluto mo pero kung ang niluluto mo ay Alienated o galing sa ibang lugar tapos hindi mo naman nagawa ng tama ay talagang uulanin ng pintas ang niluto mo. Ano't ano pa man sa lahat ng naranasan ko ay talagang natuto ako magluto lalo na sa itlog hindi ko na ito nilalagyan ng betsin talagang wala na ako nilalagay ni patak ng betsin (promise!) Kapag naman hindi mo ginawa ang mga bagay bagay hindi mo rin naman alam kung ano magiging kinalabasan nito, maging maganda man o hindi atleast natuto ka at syempre hindi mo narin gagawin ang mga mali at mas lalo kang gagaling sa ginagawa mo katulad nalang sa pagluluto. Kaya kapag nagluluto ka at oras na mngamoy ito isa lang ang ibig sabihin nun, luto na siya. :)

Ang Bawal

Bakit nga ba masarap ang bawal?

Hewan ko ba kung ano pa ang pinagbabawal yun pa yung madalas nating gawin paano ba naman kasi kung ano pa yung bawal ayun pa yung nakaka satisfied sa atin katulad nalang ng pag-inom ng alak, Ang Alak ay kilala na ugat ng lahat ng kaguluhan, dahil dito nagiging matapang ang tao kaya kung sino ang makita ng taong nakainom nito ay talagang inaaway. Ano ba talaga ang kasalanan ng alak sa tao eh nakakatunganga lang naman yan sa isang tabi at nagaantay ng isang tao na iinom sa kanya pero ang madalas na umiinom nito ay ang taong may problema tapos kapag nalasing isisi sa alak lahat ng nangyari kaya nga nagkaroon ng paunawa ang lahat ng commercial nito "DRINK MODERATELY" tama nga naman uminom ng tama hindi yung titigil kana kung may tama kana.

Isa pa sa ipinagbabawal ay yung paninigarilyo, sa totoo lang hindi ako naninigarilyo kaya hindi ko alam ang benepisyo nito sa katawan pero nung bata ako sa tingin ko masustansya ang sigarilyo kasi sabi nila galing daw ito sa tabako na kilala na isang uri ng halaman eh diba kapag berdeng halaman ay masustansya katulad nalang ng talbos ng kamote, malunggay at ang saluyot kaya inisip ko na masustansya ang sigarilyo. Pero nagbago ang paningin ko dun kasi kahit kelan hindi pa ako nakarinig sa balita na may nabuhay ng matagal dahil sa sigarilyo. Bakit nga ba naninigarilyo ang tao? dahil sa matinding stress, dahil nakakarefresh, o dahil gusto lang nilang tawagin silang cool men? eh ikaw ba naman bumuga ng maraming usok hindi ka pa ba cool  nun nagmumukha kang tambucho.

 Pinagbabawal lalo ang mangalunya, Bukod sa nakakasira ka na ng ibang buhay magkakasakit ka pa pero bakit nga ba nauso ang salitang kabit? dahil sa mga taong makakati o dahil sa mga taong madaling matukso? dito lumalabas ang salitang pagpipigil kasi kung nagpipigil ka sa isang bagay na gusto mo kahit anong mangyari darating ang araw gagawin at gagawin mo parin ito. Nangyayari ito kapag nawawalan ng koneksyon ang mag-irog o nawawala ang init kapag pumasok na.. ang gabi kaya nakakapaningit naman si kabit pero anu ba ang mangyayari sa huli? babalik parin sila sa dati pero may naiwan ng "kadiri effect" na mararamdaman sa bawat isa dahil sa bawal na nagawa nila.

At ang pinakahuling bawal na madalas gawin ay ang tumawid sa maling tawiran hindi na tuloy alam ng MMDA kung ano pwede nilang ipaskil sa daan para sumunod ang lahat, meron na silang "BAWAL TUMAWID NAKAMAMATAY" at ni-level-up pa "BAWAL TUMAWID, MAY NAMATAY NA DITO" hehe natatawa ako parang kinikilabutan ako kapag nakakakita ako ng ganoon kasi feeling ko may pagala galang multo sa paligid ko. Siguro hindi masyadong marahas yung sign ng MMDA dapat baguhin nila gawin nilang "LIBRE LIBRENG TUMAWID DITO,GO LANG" tignan natin kung may tatawid pa siguro wala na kasi minsan baliktad talaga ang isip ng tao msyadong matalino mahilig sa LOGIC.


Hindi kaya nananadya lang talaga ang tao kasi lahat talaga ng bawal gustong subukan o kaya sinusubukan lang nila ang kanilang sarili kung hanggang saan sila tatagal? Di ba ang mga nagbabawal lang naman sa mga bata ay ang mga matatanda dahil ba naranasan nadin nila ang ganoong kapusukan noong bata pa sila kaya ayaw nilang iparanas sa katulad nating mga bata? selfish naman sila kung ganoon, dapat maranasan din natin ang naranasan nila di ba? pero dahil sa naranasan na nga nila makinig nalang tayo kasi kung baga pabalik na sila papunta palang tayo. Kailangan nating makinig para narin sa ikabubuti natin pero maayos naman sila kahit naranasan nila ang mga bawal noh?

Kung anu pa man ang mangyari nasa sa iyo parin iyan kung sa tingin mo mabubuhay ka sa paglaklak ng alak araw-araw sige lang walang pipigil sa iyo dahil ikaw rin naman ang may alam ng limitasyon mo.

"LIBRE LIBRENG TUMAWID DITO,GO LANG"

Anu Ba Ang Paghihintay?

"Waiting is painful.

Forgetting is painful.

But not knowing which to do is the worse kind of suffering."

-Paulo Coelho


__________________________________________________________________

Masarap magmahal pero syempre oras na natamaan ka na ng sobra minsan hindi mo na alam ang ginagawa mo, nakakagawa ka ng mga bagay na talagang masasabi nating ikasisira mo o ikasisira ng ulo mo.

Isa sa pinakamatinding pagsubok sa pag-ibig eh yung oras na kailangan mong magsakripisyo at kailangan kalimutan mo ang sarili mong kaligayahan para sa ikakaayos ng bawat sitwasyon katulad nalang ng paghihintay ng matagal, nakakakalungkot, iisipin mo palang na maghihintay ka ng matagal ay talagang malulungkot ka na mas lalo na kung yung ang hinihintay mo ay wala pang  kasiguraduhan na kung SIYA na ba talaga.

Kung naghihintay ka parin para sa taong mahal mo ay huwag kang mag-alala hindi ka nag-iisa marami kang kasama,Halimbawa nalang yung mga composer ng mga sikat na kanta, siguro naging team song mo narin ang isa sa mga ito minsan sa isang araw ng buhay mo:

MAPALUMA MAN

"Nandito ako umiibig sayo kahit na nagdurugo ang puso kung sakaling iwanan ka niya huwag kang mag-alala may nagmamahal sayo nandito ako"

-Nandito ako

MAPABAGO MAN

"Sabihin mo na kung babalik ka pa, para hindi na maghintay."

-Sabihin mo na by Zel

AT MA PA IBANG LENGGUWAHE MAN

"So, baby, I will wait for you.
'Cause I don't know what else I can do.
Don't tell me I ran out of time.
If it takes the rest of my life"

-wait for you by elliot yamin  



Talagang makakarelate sa topic na Hintayan, pero kung bibigyan ka ng sitwasyon, halimbawa hihintayin mo siya sa isang lugar at papapiliin ka sa kung saan ka maghihintay "sa lugar na tagtuyo o sa lugar na tag-ulan?"

Merong sumagot sa tagtuyot daw kasi ayaw niya sa tag-ulan baka bumaha nga naman maghihintay kana rin lang malulunod kapa ang saklap naman non, ako siguro maghihintay dun sa lugar na alam kong tatagal ako, dun ako sa tag-ulan, bakit? kasi unang una sa lahat, hindi ko kayang mabuhay ng walang tubig pangalawa kaya ko magtiis sa lamig basta sa taong hinihintay ko at pangatlo mas maganda kasing tignan kung yung taong hinihintay mo ay nakapayong na papalapit sa iyo tapos bigla nyang tatanggalin at yayakapin ka niya tapos dalawa na kayong basang basa ng ulan habang dinadama ang init ng bawat isa kung baga mahilig ako sa FAIRYTALE.

Pero anu nga ba ang paghihintay? masyadong masakit na salita sa isang taong iniwan kung baga iniwan ka sa sitwasyon na hindi mo alam kung papano makakawala o kung kailan matatapos kaya nga nagtataka ako dun sa mga taong umaalis kung bakit mo paghihintayin ang isang tao na mahal mo kaya bakit mo iiwan di ba?

 Ano pa man, masasabi nating hindi lahat ng dumadating na sitwasyon ay magugustuhan mo minsan kailangan mo ring mabuhay ng may sakit na nararamdaman para mas lalong maging malakas sa buhay. May mga taong susubok sa iyo, ang iba kaya kang sirain, ang iba kaya kang iangat pero sa Huli nasa pagdedesisyon mo parin yan kung maghihintay ka sa wala o iiwan ang pangako ng taong pinakamamahal mo. :)

Pangarap

Lahat ng bata may pangarap...


Yung iba pingangarap maging doctor para makatulog sa kapwa,
yung iba pinangarap maging  Nurse para makatulong sa kapwa,
Yung iba pinangarap maging seaman para makatulong sa kapwa,

at meron namang iba na talagang naubusan ng sasabihin kaya ang pinangarap nalang nila ay maging KAPWA para masaya nga naman, maraming biyaya. :)

Pero ako, isa lang pinangarap ko ang maging isang PULIS, inspired kasi ako kay Mega Man, ewan ko ba basta pangarap ko maging pulis kahit nung nasa Preparatory palang ako hanggang sa maging ganap na Dalaga na ako nung High School, Siguro dahil narin ayokong inaapi ako at gusto kong maprotektahan ang pamilya ko.

Minsan, pinagkakamalan na akong tomboy nun dahil sa pangarap kong maging pulis, pero syempre nagbabago din ang pangarap mo minsan, Sinubukan ko rin ang maging Businesswoman nung bata ako dahil sa pangarap ko din magkaroon ng sariling income, nagkaroon ako ng tinda-tindahan, ang una kong tinda noon ay paperdoll sumunod ay yung mangga na my bagoong hanggang sa lumago na ang negosyo ko at nagkaroon ako ng sari-sari store kaso dahil ayoko humiwalay sa aking kaperahan lagi kong dinadala ang wallet ko kahit saan ako magpunta kahit pa naglalaro ako sa labas ng bahay, dahil sa kadamutan kong iyon nawala ang pera ko, kinuha sya ng isa kong kalaro, at dun na nga nawala ang pagnenegosyo ko,ewan ko ba kapag naalala ko ang mga sandaling iyon parang gusto kong bigyan ng magandang treatment ang kumuha ng wallet ko parang gusto ko siyang tusukan ng karayom sa lahat ng anit niya. hehe.

Pinangarap ko ring hindi makapagtapos ng pag-aaral dahil sa gusto ko ng makatulong sa magulang ko kaya sinarado ko na angisip ko at iniisip ko na lang na pagkatapos ng highschool ay trabaho na kaagad. Hindi nagtagal ang pangarap kong ito dahil na rin sa mga payo ng mga magulang ko at saka laging binibida ng ina ko ang mga pinsan ko na lahat sila nakatapos ng pag-aaral, merong Judge, Nurse, Midwife, Office worker, Teacher at kung anu-anu pa at dahil dun nanliit ako ang pangit naman lahat sila may kotse na tapos ako namumulot lang ng makakain sa kalye kaya nagpursige naman ako.

Halos lahat pinangarap ko na noon maliban lang sa isa, ang maging isang Guro. hind naman sa hinahamak ko ang mga mga guro, sa tingin ko napakahirap kasi ng ginagawa nila at saka hindi ko kakayanin kaya binalewala ko yung Propesyon na yun hanggang sa nagtapos ako ng high school at nakapili ng school na mapapasukan, sa Pinasukan kong school nandun ang favorite kong kurso ang I.T. (Information Technology) dahil mahilig na ako sa computer noon kaya naman yun ang natipuhan ko pero bigla kong naisip kailangan pala may laptop ka o desktop para makasabay ka sa mga klasmeyt mo, kaya naman agad agad nagpalit ako ng gusto, naging sunod kong gusto ang B.A. (Business Administration) eh wala naman akong background dun kaya bahala na.


Maya maya nakita ko ang dalawa kong klasmeyt nung highschool tinanong ko sila kung anong kurso nila, sabi nila education, dahil sa close ko na sila ng high school masaya siguro kung maging klasmeyt ko sila kaya napa-Education course tuloy ako siguro mga one wek bago ko naabsorb na education student na pala ako, ang dating propesyon na pinaka-aayawan ko ay naging kurso ko na. Akala ko hindi ko kakayanin pero habang tumatagal naisip ko na hindi pala ordinaryong kurso ang meron ako ito pala ay napakahiwaga, hindi pala ito isang propesyon o trabaho kundi isang responsibilidad na panghahawakan mo habang nabubuhay ka. Nakatapos ako sa kursong ito at kahit ako nagulat sa mga nangyari pero hindi mo rin masasabi, minsan naglalaro rin ang kapalaran kung ano ang gusto mo hindi binibigay sayo pero kung ano ang ikaliligaya mo iyon ang ipagkakaloob sayo.

"Paper Doll"

Paper doll - manika na hugis tao, gawa sa medyo matigas na papel at madalas na pinapalitan ng damit na kinakawit lang sa balikat nito. Kapag luma na ito kusa nang napupugot ang ulo dahil lumalambot din naman ang medyo matigas na papel pero pwede mo rin namang idikit sa pamamagitan ng "iskash teyp". Kapag nabasa naman ng tubig pwede mo ng itapon dahil madali lang naman ito mabili sa halagang piso lang kung may pera ka at nagtatrabaho ka na sa isang Luxury hotel pero kung nasa preparatory ka palang at medyo kuripot ang parents ay siguradong mapapatay mo ang makasira sa Paper Doll mo.

Bata palang ako mahilig na ako sa paper doll, Lahat ng bagong palabas na Cartoons sa Telebisyon ay lumalabas din sa paper doll. Nandyan ang paborito kong si Sailor Moon at ang buong Gang niya, Buong cast ng Pokemon, Disney Princess at kung anu-ano pa. Talagang tinutukan ko ang pagkolekta ng paper doll nung bata palang ako, nakalagay pa ito sa kanya kanyang supot para hindi magkahalo-halo ang damit. Dahil sa totoong Avid Fan ako ng Paper Doll at talagang sinasanto ko sya,  nakaisip naman ang aking ina ng isang magandang teknik para maging masipag ako...

Sa tuwing umuuwi kasi si Mama galing palengke lagi nalang makalat ang bahay kaya naisipan nya na ipain lagi ang Paper Doll sakin, paano? ganito.. Dahil sa maliit palang ako noon at ang dulo ng kabinet ay hindi ko pa abot Doon naman nilalagay ni mama yung paper Doll na kailangan ko Tapos bigla nyang sasabihin "kailangan pag-uwi ko malinis ang bahay, kung hindi, hindi mo rin makukuha ang paper doll na nasa taas ng kabinet." wala akong choice nanakot na si Ina, kailangan gawin ang utos niya para makumpleto ko ang Favorite Sailormoon Characters ko, Lagi ko naman sya sinusunod kaya araw-araw may Paper Doll naman ako...

Ang sarap maging bata, kasi sa maliit na bagay natutuwa kana, sa konting bagay satisfied ka na at hindi ka na naghahanap pa ng mas higit pa, napakacentralized ng isip ng bata kung anu ang ginugusto niya at kung ano ang nakikita nya ayun ang sinusunod niya kaya nga kapag tinanong ko minsan ang bata ng:

"bata, maganda ba ako?"
at kapag sumagot siya ng
"hindi po."

hindi nga talaga marunong magsinungaling ang bata medyo Mapagbiro lang...:)


Ang sarap isipin na dumaan din pala tayo sa mga panahong kuntento na tayo sa isang laruang papel, nabubuhay din pala tayo sa isang araw kahit walang katext at kachat, pwede pala eh, kaso habang tumatagal natututo tayo syempre sino ba naman ang papayag na beinte Uno ka na tapos naglalaro ka pa ng Paper Doll sa Ofis dyahe naman diba, in short, kailangan din naman tayo makisabay sa daloy ng buhay para hindi naman tayo napag-iiwanan ng panahon at hindi naman tayo tawaging "isip-bata".

Hindi naman masama tumingin sa nakaraan, hindi mo rin naman makakalimutan yan kahit umpog mo ulo mo sa pader pabalik at balik pa rin sa ala-ala mo, Ang kailangan mo lang naman gawin ay kunin at tanggapin mo  kasi nangyari na at hindi na mababago pa pwede mo pa yan gamitin para mas lalo kang maging malakas, ang pag-amin sa nakaraan ay nakabubuti, masama nga lang kung uulitin mo rin lang ang pagkakamali ay! napatunayan mo lang na wala kang natutunan sa paglaro mo ng paper doll, try mo na lang yung jackstone. :)

...

"Live your life..."

"Live your life as it is your last."

Dati yan ang motto ko kaya naman nilubos ko ang pagiging bata, Batang walang pakialam basta gagawin ko ang gusto ko.

Year 2008, third year college na ako nung nagsimula ako nagtrabaho. Nagworking student ako sa isang sikat na food chain hulaan nyo basta hindi Jollibee..:)

Natuwa ako sa mga panahon na iyon kasi umaani na ako ng pera lahat ng gusto ko nabibili ko, pero kasabay ng pag-ani ko ng konting tagumpay ay nakalimutan ko na ang mga pangarap ko, ang mga mithiin ko kaya ako nagtrabaho.

Nagdaan ang mga araw hanggang sa naging buhay ko na ang pagtatrabaho, nakalimutan ko na ang pag-aaral. Madalas pumapasok ako ng Late pero never akong umabsent yun nga lang para lang akong nang-aasar ng Professor papasok ako kung kailan last five minutes na, o kung pumasok man ako ng maaga dun naman ako natutulog sa loob ng klasrum kaya madalas ako ang nagbabasa ng mga ginawang report ng mga klasmeyt ko. Nung mga panahon na yun walang laman ang isip ko ni wala na akong pakialam sa mga sasabihin ng iba basta ginagawa ko ang gusto ko palibhasa lahat ng kilos ko nung munting bata ako ay limitado kaya ng nabigyan ako ng pagkakataon nilubos ko naman ang lahat.

Nagpapalipat ako ng oras ng trabaho para lang makagimik, ang mga working student ay dapat pang-umaga lang pero dahil sa tigas ng ulo ko nagpapalipat ako ng gabi. Pagkatapos ng Duty diretso gimik na.. Masaya kapag marami kayo. Madalas 1:00am na kami nakakauwi at dahil Madaling araw na masarap kumain ng Goto, Masarap maglakad lakad, yung tipong pupunta kayo sa isang bahay na ilang milya ang layo tapos kapag nakita ay aalis din kayo agad, parang nageexercise lang 'yun nga lang madalas pinagkakamalan kaming mga adik. Lilibutin mo yung buong lugar tapos pipindot kayo ng doorbell sabay takbo (pero hindi ako kasali dun ah, nakikitingin lang.:)

Buong akala ko noon Gimik na ang buhay ko, pero nagkamali pala ako...



Isang araw sa paggising ko sa umaga, walang gimik, pero nandyan ang aking ina para ihanda ang tubig na maligamgam na pampaligo ko, Sa tanghali walang gimik pero nandyan ang pamilya ko para samahan ako sa pagkain ng tanghalian na alam kong matagal na naming hindi nagawa, Sa Hapon, wala paring gimik, Nandyan ang mga kapatid ko handang makipagbiruan sa akin, Sa kinagabihan ,wala na namang gimik pero nandyan si Papa para turuan ako sa mga bagay na hindi ko alam.

Marami pala akong hindi nagagawa, akala ko lubos na kaligayahan na ang nararanasan ko sa gimik, pero wala paring katumbas " ang ligaya na nabibigay ng pamilya. "

Muli, naalala ko kung bakit ako nagtatrabaho, yun ay dahil sa kanila...

Simula noon, inayos ko na ang lahat... Aral, bahay, at kung may duty man umuuwi na ako sa tamang oras.. Naging maayos ang lahat. Pogi na din ang mga grades ko na dati ay nakikipagtalo pa ako sa Professor kahit kasalanan ko naman ang pagbaba ng Grado ko.

Nabuhay ako dati na parang walang bukas pero ngayon binago ko na ang motto ko.

"Live your life as it is your first."

Kwento alay kay "Ondoy"

September 25, 2009. akala ng lahat simpleng bagyo lang katulad ng mga bagyong nagdaan. ngunit hindi pala..


September 26, 2009, Inumaga na hindi parin tumigil ang ulan.. nagtetext pa 'ko habang ang lahat abalang abala sa pagsako ng kanilang mga gamit dahil nandyan na nga ang baha. Mabilis ang pagbulusok ng tubig. Una ng nilikas ang dalawa kong nakababatang kapatid, Ako nama'y naiwan sa bahay kasama ang aking mga magulang at ang may sakit kong kapatid maya-maya pumasok na rin sa loob ng bahay ang tubig, tubig galing sa poso negro ng aming Kubeta. Napakabilis ng tubig tila naghahanap ng mga taong matatangay nya.

Ilang saglit pa at nagdesisyon na kaming lumikas dala ang isang kaldero na may lamang tira-tirang kanin at ang aking Ama nama'y naiwan sa bahay.  karga-karga ng aking Ina ang kapatid kong nanginginig na sa lamig. Sa aming paglabas, Nagulat ako sa nakita ko nagmistulang lawa ang aming Baranggay. Hirap na hirap ang aking ina sa pagkarga sa aking kpatid buti nalang my mga kapitbahay kami na nagmistulang "Rescue Team",maraming salamat at kinarga nila ang aking kapatid. Muli naglakad kami sa daan na abot bewang na ang tubig at kahit nakapaa hindi namin alintana ang mga piraso ng yero, basag na mga bagay at mga patay na hayop.

Malapit na kami sa Highway nang sinubok kami muli. Nahihirapan na kami dumaan dahil sa mabilis na pagbulusok ng tubig. Nahiwalay kami ni mama sa Rescue Team, hindi na kami makadaan sa mistulang Dagat na Highway, Buti nalang my mga taong lumapit sa amin at hinila kami. Tumuloy na kami sa Third floor ng isang commercial building na kung saan nandun din ang dalawa kong kapatid. Dahil sa ang isa kong kapatid ay nanginginig na sa lamig diniretso nila kami sa isang mainit na kwarto kasama ng mga MAYAYAMAN.. Inilagay nila kami malapit sa pintuan ng Comfort Room at sa mga oras na yun ay wala paring tubig at kuryente.

Panay ang labas pasok ng mga bata sa CR, kada bukas ng pinto mahahalimuyak mo ang Baho ng kanilang laman tiyan, awang awa ako sa amin. Ang iba ay nakahiga sa malambot na kama salo-salo sa pagkain na binigay lang din sa kanila Samantalng kami ni isang kurot ng Nilagang Itlog na kanilang kinakain hindi kami binigyan. Nanginginig na sa lamig ang aking Ina ganun din ang aking kapatid. Para kaming hayop na pinabayaan sa gilid. Buti nalang may nagbigay sa amin ng sabaw at yun ang isinama namin sa Tutong na dala ng aking Mama.

Ilang Saglit lumabas ako, kitang kita ko ang Maladagat na tanawin, mga taong stranded at mga tao sa bubong na kapag nahulog ay siguradong tatangayin ng malakas na agos ng tubig. Nagaalala ako sa aking ama, wala akong pakialam sa malakas na buhos ng ulan basta makita ko lang sya na ligtas. Ilang Saglit nakita ko nga siya nakatungtong sa bubong ng isa sa mga bahay. Tuwang tuwa ako dahil sa wakas kitang kita ko na buo parin kami.

Kinagabihan, Umalis na din kami sa third Floor Building na aming natuluyan. Inabot pala ng baha ang sala namin halata dahil sa putik na nasa sahig at dingding. Nung gabing yon doon ko lang naisip na napakabuti parin ng Diyos dahil hindi nya kami pinabayaan at hinding hindi nya kami iniwan.

unlimited text to all networks = INSOMIA

Dati. ang hirap magkaroon ng load bukod sa nakalagay na ito sa isang card, 300 pesos pa ang minimum! totoong mayayaman lang talaga ang nakakaafford. kahit pa mahilig ka sa text, itatago mo nalang ang pera mo para sa pag-ulam nyo kinabukasan, pero ngayon...
 mas mahal pa ang kendi kesa sa isang pirasong text mo, WOW! Sabagay in demand nga naman maraming mga taong umaakyat pa ng bubong makapagtext lang sa katabing bahay nila para sabihing.

"babes qoh,nand2 me sa bubong ng bhay,.jejeje.. ngpa2lamig lng.. ini2cp kzi kta misz nah misz na ktah..mua mua mua...labxhuuuuuuuuuuuuuuuuuuu!!!!"

"eiow daan lahn poh.GM"

"muwahugggzzz!!! w8 lanq puh ha, hugas lanq akuh ng platezz"

":). pAtamBay LAng xa inboX"

"------------>>>fhazxionizctaH.Gurl<<<----------------
spixz: elowww! k?ta p0 ty0 mayaH zsa EB!!  mga nUbIZZ.. WEicuM p0!!!
.GM"

may sense naman di ba? sa pamamagitan ng text nararamdaman mong mahalaga ka, sa pamamagitan ng text nalalaman mo ang lahat kahit BF ng GF mo. Hindi pinapalampas ng mga sikat na networks ang kaadikan ng Pinoy sa text, kaya bumuo sila ng sari saring gimik, katulad ng "sa 20 pesos mo may 100 text kana sa lahat ng friends mo. may free text ka pa to other networks!" pero syempre kulang pa sa atin yon kaya naglevel-up sila ginawang "15 pesos unlimited texting in one day!" kaso ang problema kapag ang friends mo ay hindi katulad ng sim mo hindi na sya masasama sa tinatawag nating "GM"(group message) at "GT"(group texting) kaya... nabuo ang tinatawag nilang...

UNLIMITED CALL AND TEXT TO ALL NETWORKS!!!

San ka pa?dito kana! hindi lang kamay mo ang kakalyuhin pati tenga mo mamamawis...:)

Talaga nga namang hindi na mapipigilan ang mga Pinoy, ang texting ay kasama narin sa pang-araw araw nating kabuhayan....sa text na tayo nakabase, kahit hindi ka na nga kumain basta my pang "GM" kalang go!
syempre kapg my advantages meron din namang disadvantages. ang texting ay in demand sa mga kabataan na nasa high school, kaya marami sa mga kabataan ngayon ang laging late at tinutubuan narin ng sakit gaya nalang ng "INSOMIA" dati hindi ito uso.. pero nang magsimula ang text naging kabuntot narin nya ito.. mandyan na ang eyebag ay nagiging maleta na sa laki kasya kahit ang 5110 na cellphone.. hindi na rin makausap ng matino kasi nagtetext, hindi na mautusan kasi nagtetext, hindi na makagawa ng assignment kasi nagtetext.. hindi na makapagbihis kasi nagtetext..hindi na makakain kasi nagtetext.. naging bahagi na ng buhay natin ang text... Gaya ng kendi ng Maxx nakakagaan sa pakiramdam kapag natext mo na ang mahal mo.. pero sana gaya ng Maxx mabubusog kadin nito. :)
..